İyulun 10-da Bakıda Azərbaycan Respublikasının Azərbaycan Respublikasının Maliyyə Monitorinqi Xidmətinin təşkilatçılığı ilə Türk Dövlətləri Təşkilatına üzv ölkələrin Maliyyə Kəşfiyyatı Orqanlarının beynəlxalq forumu işə başlayıb.
BBN.az xəbər verir ki, forum “TDT ölkələrində cinayət yolu ilə əldə edilmiş əmlakın leqallaşdırılması və terrorçuluğun maliyyələşdirilməsi risklərinin anlaşılması: ortaq çağırışlar, birgə həllər” mövzusuna həsr olunub.
Tədbir iştirakçıları əvvəlcə Fəxri xiyabanı ziyarət edərək Azərbaycan xalqının Ümummilli Lideri Heydar Aliyev-in və akademik Zarifa Aliyeva-nın xatirəsini ehtiramla yad ediblər.
Forumun əsas məqsədi Türk Dövlətləri Təşkilatı məkanında maliyyə kəşfiyyatı orqanları arasında əməkdaşlığın gücləndirilməsi, təcrübə mübadiləsinin genişləndirilməsi və maliyyə cinayətləri ilə mübarizədə vahid yanaşmaların formalaşdırılmasıdır.
Açılış mərasimində Maliyyə Monitorinqi Xidmətinin İdarə Heyətinin sədri Zaur Fatizade, Türk Dövlətləri Təşkilatının Baş katibi Kubanychbek Omuraliev, eləcə də üzv ölkələrin maliyyə kəşfiyyatı orqanlarının rəhbərləri və digər yüksək səviyyəli qonaqlar çıxış ediblər.
Zaur Fətizadə çıxışı zamanı Prezident Ilham Aliyev-in rəhbərliyi ilə Azərbaycanda həyata keçirilən iqtisadi və institusional islahatlar, eləcə də maliyyə sisteminin inkişafı istiqamətində əldə olunan nəticələr barədə məlumat verib.
Forum çərçivəsində Azərbaycan, Qazaxıstan, Qırğızıstan, Türkiyə, Özbəkistan və Macarıstanın maliyyə kəşfiyyatı orqanlarının rəhbərlərinin iştirakı ilə rəhbərlər paneli də təşkil olunub. Paneldə üzv dövlətlər arasında əməkdaşlığın inkişaf perspektivləri, maliyyə cinayətləri ilə mübarizədə mövcud çağırışlar və birgə fəaliyyət istiqamətləri müzakirə edilib, mövzu üzrə təqdimatlar keçirilib.
AZƏRTAC
