01 oktyabr 2024 tarixinə olan məlumata görə, Azərbaycan banklarının depozit portfeli 41 milyard 700,9 milyon manat təşkil edib. Bu barədə Azərbaycan Mərkəzi Bankına (AMB) istinadən Report xəbər verir.
Göstərici üzrə dinamika belədir:
-
aylıq müqayisədə – 0,6 % artım,
-
ilin əvvəlinə nisbətən – 3,6 % artım,
-
ötən ilin eyni dövrü ilə müqayisədə – 8,8 % artım.
Depozitlərin quruluşu
Depozitlərin 53,3 %-i və ya 22 milyard 213,5 milyon manatı qeyri-maliyyə təşkilatlarının payına düşür. Bu göstərici illik müqayisədə 3,4 % artıb.
Əmanətlər və maliyyə təşkilatları üzrə depozitlər
-
Ev təsərrüfatlarının əmanətləri il ərzində 11,5 % artaraq 15 milyard 794,8 milyon manata yüksəlib.
-
Maliyyə təşkilatlarının depozitləri isə 37 % artaraq 3 milyard 692,6 milyon manata çatıb.
Müddətinə görə depozitlər
Hesabat dövründə depozitlərin:
-
22 milyard 402,5 milyon manatı – qısamüddətli depozitlər (illik 2,4 % azalma),
-
19 milyard 298,4 milyon manatı – uzunmüddətli depozitlər (illik 25,5 % artım) təşkil edib.
