Home » Beynəlxalq kart təşkilatları 2021-ci il üzrə maliyyə göstəricilərini açıqlayıb

Beynəlxalq kart təşkilatları 2021-ci il üzrə maliyyə göstəricilərini açıqlayıb

by bbnadm
0 rəy 7 baxış 1 dəqiqə oxuma

Bankçılıq sektorunun başlıca iştirakçılarından olan və bankların ənənəvi mühitdən rəqəmsal mühitə transformasiyasının sürətləndirilməsində böyük paya sahib olan beynəlxalq kart təşkilatları 2021-ci il üzrə yekun maliyyə hesabatlarını dərc ediblər.

İlkin olaraq, “Visa” şirkətinin hesabatına əsasən, 2021-ci il üzrə şirkətin gəlirləri 2020-ci ilin göstəriciləri ilə nisbətdə 10% artıb və  24.1 milyard dollar səviyyəsinə çatıb. Müvafiq dövr ərzində emal edilən ödəniş tranzaksiyalarının ümumi həcmində isə 17%-lik artım qeydə alınıb və 164.7 milyarda yüksəlib. Xidmətlərdən əldə edilən gəlir 17%, data prosessing gəliri 17%, beynəlxalq tranzaksiyalardan əldə edilən gəlir isə 4%-lik paya sahibdir. 2.79 milyard dollar həcmində divident ödənişi həyata keçirilib.

Beynəlxalq ödəniş kartları nəhənglərindən olan “MasterCard” isə 2021-ci ildə gəlirlərini 23.5% artıraraq 18.9 milyard dollar səviyyəsinə yüksəldib. Şirkətin əməliyyat gəlirləri və xərcləri müvafiq olaraq 10.1 və 8.8 milyard dollar səviyyəsində qərarlaşıb. Tranzaksiyaların həcmində ümumilikdə 25%-lik artım qeydə alınıb. “MasterCard” tərəfindən 2021-ci ildə ümumilikdə 1.7 milyard dollar həcmində divident ödənişi həyata keçirilib.

Son olaraq, ölkəmizdə elə də geniş həcmdə yayılmasa da, beynəlxalq arenada özünəməxsus nüfuza malik “American Express” kart təşkilatı gəlirlərini 30%-dən çox artıraraq 12.1 milyard dollara çatdırıb. Ümumi mənfəət göstəricisi  isə 8.1 milyard dollar səviyyəsində qərarlaşıb.

Oxşar xəbərlər

Şirkət

Abunə ol

2023 – Bütün hüquqlar qorunur. BBN

Bu veb sayt təcrübənizi yaxşılaşdırmaq üçün kukilərdən istifadə edir. Güman edirik ki, bununla razısınız, lakin istəsəniz, imtina edə bilərsiniz. Qəbul et Ətraflı

-
00:00
00:00
Update Required Flash plugin
-
00:00
00:00

Adblock Aşkarlandı

Zəhmət olmasa vebsaytımız üçün brauzerinizdən AdBlocker uzantısını söndürməklə bizə dəstək olun.