Böyük Britaniya bankı filiallarını bağlamaqda davam edir

Böyük Britaniyanın ən böyük maliyyə institutlarından olan “Lloyds Banking Group” cari ildə üçüncü dəfədir ki, filialları azaltmağı qərara alıb. Edinburq mərkəzli qurum, 48 “Lloyds Bank” filialını və 18 “Halifax Bank” filialını bağlamaq qərarına gəlib. Bu qərarın əsas səbəbi kimi isə, rəqəmsallaşma proqramı çərçivəsində bank müştərilərinin onlayn xidmətə daha çox yönəlməsi və bununla da fiziki məntəqələrə ehtiyacın azalması göstərilib.

Məlumat üçün qeyd edək ki, 2022-ci ilin mart ayında “Lloyds Banking Group” 60 filialının, may ayında isə 28 filialının fəaliyyətinə xitam verib. Qurumun direktoru bildirib ki, son beş il ərzində filiallardan istifadə 85% həcmində azaldığından, köklü dəyişiklilərin edilməsi zəruri idi.

© Materiallardan istifadə edərkən hiperlinklə istinad olunmalıdır