Brent xam neftinin qiyməti artıb, Azeri Light isə ucuzlaşıb

Xam neft və təbii qazın qiymətləri ilə bağlı son məlumatları təqdim edirik.

BBN.az Banklar və Biznes nəşri Bloomberg-ə istinadən xəbər verir ki, WTI xam neftinin 1 barrel-ə görə qiyməti 0.30 dollar, yaxud 0.40% yüksələrək 74.60 dollara ticarət edilir.

Bloomberg-də olan son məlumata görə Brent xam nefti isə 0.45 dollar, yaxud 0.58% artaraq 78.14 dollara satılır. Təbii qazın qiymətləri isə 0.01 dollar, yaxud 0.30% yüksələrək 2.31 dollara ticarət edilir.

Qeyd edək ki, xam neft ilə bağlı son proqnoz göstərir ki, qiymətlər 100 dollara çatacaq, ancaq bu uzunmüddətli olmayacaq. Eyni zamanda dünya bazarında Azeri Light markalı Azərbaycan neftinin 1 barelinin qiyməti 0,38 dollar, yaxud 0,45% azalaraq 84,02 dollar təşkil edib. Dünən hərracların nəticələrinə görə Brent markalı neftin iyul fyuçersləri 77,89 dollara satılıb. Azərbaycanın builki dövlət büdcəsində bir barel neftin orta qiyməti isə 50 dollardan hesablanıb.