Cari ildə aviaşirkətlərin itkiləri artacaq

Qlobal aviasəyahətlərə tələb 2009-cu ildən bu yana ilk dəfə azalacaq. Bu barədə açıqlama verən “Beynəlxalq Hava Nəqliyyatı Assosiasiyası” korona virusu səbəbindən müşahidə olunacaq tələb azalmasının aviaşirkətlərə 29 milyard dollardan artıq ziyan vuracağını vurğulayıb.

Ən böyük təsirin Asiya-Sakit Okean regionunda müşahidə olunacağını bildirən quruma görə təkcə Çin aviaşirkətlərinin gəlirlərinin 12.8 milyard dollar azalacağına diqqət çəkib.

Qeyd edək ki, IATA 2020-ci ildə tələbin 4.1% artacağını proqnozlaşdırsa da, hazırda sözügedən proqnoz 0.6% azalma ilə əvəzlənib.

İATA baş icraçı direktoru Aleksandr de Yuniak cari ilin aviaşirkətlər üçün çox ağır keçəcəyini bildirib, bununla belə aviaşirkətləri virusun daha da çox yayılmaması üçün diqqətli olmağa çağırıb.