Çexiya Azərbaycandan neft idxalını dəyər ifadəsində artırıb

Çexiya bu ilin yanvar-iyul aylarında Azərbaycandan 562 milyon 116 min ABŞ dolları dəyərində neft idxal edib.

BBN.az Dövlət Gömrük Komitəsinə istinadən xəbər verir ki, bu göstərici ötən ilin eyni dövrü ilə müqayisədə 15 milyon 24 min dollar və ya 2,8 % çoxdur.

Hesabat dövründə Çexiyanın Azərbaycandan idxal etdiyi neftin həcmi isə 802 min 370 ton təşkil edib. Bu, illik müqayisədə 225 min 229 ton və ya 21,9 % azdır.

Qeyd edək ki, yanvar-iyul aylarında 7,5 milyon ton xam neft idxal edən İtaliya Azərbaycanın əsas neft ixrac istiqaməti olub.