Sabiq ABŞ prezidenti Donald Tramp 2021-ci il yanvarın 6-sı hadisələrindən sonra cümə günü Meta şirkətinə məxsus olan Facebook platformasında ilk postunu paylaşıb. Bu hadisədən sonra onun yenidən Twitter platformasına qayıdacağı da gözlənilir.
BBN.az CNBC Business-ə istinadən xəbər verir ki, Facebook platformasında ilk postunu paylaşdıqdan sonra isə YouTube onun əngəlini qaldırıb və ilk video postunu paylaşmağa icazə verib. Tramp Facebook-dakı ilk postunda isə “Mən qayıtdım” yazıb.
Qeyd edək ki, 2021-ci ilin yanvarın 6-da Tramp tərəfdarları ABŞ Konqres binasına hücum etmişdilər və bu hücumdan zərər çəkənlər mövcud idi.