FED uçot dərəcəsini kəskin azaldıb

Federal Ehtiyatlar Sistemi (FED) koronavirusa qarşı ehtiyat tədbiri olaraq uçot faiz dərəcəsini kəskin azaldıb. Bazar günü 1.0 bəndlik azaltma həyata keçirməklə FED uçot dərəcəsini 0%-0.25% səviyyəsinə endirib.

Koronavirusla mübarizənin ABŞ iqtisadiyyatına törətdiyi risklərin yumşaldılması məqsədilə verilən qərarın ABŞ prezidenti Donald Trampın açıqlamasından dərhal bir gün sonra verilməsi bir sıra suallar da yaradıb. Belə ki, Donald Tramp şənbə günü nitqində “Mərkəzin bankın sədrinin vəzifəsini azaltmaq və ya vəzifədən azad etmək səlahiyyətim var”, – deyə vurğulayıb. Qeyd edək ki, Donald Tramp FED-in açıqlamasından dəqiqələr sonra Ağ Evdə mətbuata açıqlama verib və açıqlamasında qərardan çox məmnun olduğunu və bazarları canlandırmaq üçün bu addımın atılmasının zəruriliyini vurğulayıb.

Vurğulamaq lazımdır ki, FED-in bu qərarından dərhal sonra “Dow Jones” Sənaye İndeksi 4.558%, “S&P 500” indeksi isə 4.784% geriləyib.