İran “MİR” ödəniş kartlarından istifadəyə imkan tanıyacaq

Rusiya bankçılıq sistemində istifadə olunan “MİR” ödəniş kartları sxemasının artıq İran İslam Respublikasında da istifadəsinə başlanacaq. Bu barədə, RİA agentliyi İran İslam Respublikasının Xarici İşlər naziri müavinin çıxışına istinadən məlumat yayıb.

Qeyd edək ki, Rusiya-Ukrayna arasında başlayan gərginlik sonrası Moskva və Tehran arasında siyasi və iqtisadi əlaqələr gücləndirilib. Sıx siyasi və iqtisadi əlaqələrin möhkəmləndirilməsi ilə yanaşı ölkələr ortaq layihə çərçivəsində bankçılıq sistemi üçün SWIFT beynəlxalq banklararası mübadilə sisteminə alternativ sistem yaratmaq üzərində işlər görürlər. Həmçinin, iqtisadiyyatın de-dollarizasiyası məqsədilə ölkələr arasında ticarət fəaliyyətinin yerli valyutalar ilə həyata keçirilməsinin yolları araşdırılır.

“MİR” ödəniş sistemi son dövrlərdə Cənubi Koreya və Kuba tərəfindən qəbul edilib. Həmçinin, bu sistemə məxsus ödəniş kartları Türkiyə və Vyetnamın bir çox turizm şəhərlərində ödəniş vasitəsi kimi qəbul edilir. Yaxın aylarda, Birləşmiş Ərəb Əmirliklərinin də bu ölkələr sırasına qatılması gözlənilir.