Müasir idarəetmədə liderlərin qarşılaşdığı əsas problemlərdən biri dəyişkənlikdir. Bazarlar, texnologiyalar, davranışlar və gözləntilər sürətlə transformasiya olunur. Belə bir mühitdə liderlər tez-tez sual qarşısında qalırlar: dəyişməliyik, yoxsa mövqeyimizi qorumalıyıq? Bu suala cavab axtararkən idarəetmə nəzəriyyəsinin klassiklərindən biri olan *Stephen Covey*nin məşhur “Mayak” metaforası xüsusi aktuallıq kəsb edir.Mayak nəyi simvolizə edir?
BBN.az xəbər verir ki, Covey-in təqdim etdiyi hekayəyə görə, bir gəmi gecə vaxtı qarşıdan gələn işığı başqa bir gəmi zənn edir və kursun dəyişdirilməsini tələb edir. Qarşı tərəfdən isə cavab qısa və qətidir: “Biz kursu dəyişmirik. Biz mayakıq.”
Bu metafora liderlikdə mühüm bir prinsipə işarə edir: bəzən dəyişməli olan ətraf deyil, sənin ona münasibətindir.
Prinsiplər strategiyadan güclüdür
Harvard Business Review yanaşmasına görə, dayanıqlı təşkilatları fərqləndirən əsas amil çeviklik deyil, dəyişməyən əsas prinsiplər üzərində qurulan çeviklikdir. Covey-in “mayak” anlayışı da məhz bunu ifadə edir:
Dəyərlər dəyişmir
Etik çərçivə dəyişmir
Uzunmüddətli məqsəd dəyişmir
Dəyişən isə yalnız:
alətlər
metodlar
taktiki qərarlardır
Bu baxımdan mayak — strateji sabitliyin simvoludur.
Liderlikdə ən çətin qərar
Bir çox menecer üçün ən çətin məqam bazar təzyiqi qarşısında “yox” deməkdir. Qısa müddətli populyarlıq, reytinq, ya da təzyiq qarşısında kursu dəyişmək asandır. Ancaq Covey-in yanaşmasına görə: Liderin işi hamını razı salmaq deyil, düzgün istiqaməti qorumaqdır.
