Mərkəzi Bankın təşkilatçılığı ilə praktiki təlim keçirilib – Foto

1

Mərkəzi Bankın təşkilatçılığı ilə “Açıq bankçılıq inqilabı: sərhədləri aşan biznes imkanları” mövzusunda praktiki təlim keçirilib. Təlim çərçivəsində Mərkəzi Bankın və Beynəlxalq Maliyyə Korporasiyasının ekspertləri tərəfindən Açıq bankçılıq həlləri və onun üstünlükləri, eləcə də xüsusi tənzimləmə rejiminin tətbiqi ilə bağlı təqdimatlar ətrafında geniş müzakirələr aparılıb.

Təqdimatın yekununda iştirakçılar 5 nəfərlik komandalara bölünməklə innovativ məhsul ideyaları üzərində praktiki çalışmalara qatılıblar. Komandalara innovativ məhsullar üzrə praktiki mərhələnin reallaşdırılmasında ekspert dəstəyi göstərilib və onları maraqlandıran suallar cavablandırılıb.

Qeyd edək ki, tədbirdə Mərkəzi Bankın nümayəndələri ilə yanaşı bankların, maliyyə texnologiyaları təşkilatlarının və digər aidiyyəti qurumların 60-a yaxın rəhbər şəxsləri iştirak edib. Tədbir innovativ ideyaların mübadiləsi və strateji əməkdaşlıqların qurulması üçün mühüm bir platformaya çevrilib.