![](https://bbn.az/wp-content/uploads/2024/12/bbn.az_XB_XalqKart-pulsuz_570x90-002-1.jpg")
![](https://bbn.az/wp-content/uploads/2024/12/570x90-bbn.png")
![](https://bbn.az/wp-content/uploads/2024/12/bbn.az_Qatar-Airw_570x90px-002.jpg")
6, 7 mart 2024-cü il tarixlərində Bakı Fond Birjasında Azərbaycan Respublikasının Mərkəzi Bankının notlarının yerləşdirilməsi üzrə hərrac keçiriləcəkdir. Nəzərinizə çatdırırıq ki, hərrac zamanı sifarişlərin toplanması saat 11:00-dan 11:30-dək təşkil olunacaqdır.
Notların buraxılış parametrləri barədə məlumat aşağıdakı cədvəldə verilmişdir:
| Notun müddəti (gün) | ISIN | Hərrac tarixi | Hərraca çıxarılan məbləğ (manat) | Nomi nal | Miqdar | Notun ödəniş tarixi |
| 28 | AZ2223024707 | 06.03.2024 | 30.000.000 | 100.000 | 300 | 03.04.2024 |
| 84 | AZ2224024706 | 07.03.2024 | 30.000.000 | 100.000 | 300 | 30.05.2024 |
| 168 | AZ2225024705 | 06.03.2024 | 30.000.000 | 100.000 | 300 | 21.08.2024 |
| 252 | AZ2226024704 | 07.03.2024 | 30.000.000 | 100.000 | 300 | 14.11.2024 |
Hərracda notların ilk mülkiyyətçiləri yalnız Azərbaycan Respublikasında fəaliyyət göstərən banklar ola bilər. Notların mülkiyyətçiləri notlarla alqı-satqı, girov, REPO və digər əqdləri bağlaya bilər və bu əqdlər üzrə tərəf qismində istənilən şəxs çıxış edə bilər.
Hərrac zamanı bir bank tərəfindən 1 rəqabətli sifariş təqdim edilə bilər və təqdim ediləcək rəqabətli sifarişin həcminə məhdudiyyət tətbiq olunmur.
Hərrac zamanı iştirakçıların sayı 5-dən az olduqda hərrac baş tutmamış hesab ediləcəkdir.
Bağlanmış əqdlər üzrə hesablaşmalar T+0 rejimində həyata keçiriləcəkdir.
