2 
Azərbaycan Respublikası Maliyyə Nazirliyi tərəfindən keçirilən depozit hərracının nəticələrinə əsasən, xəzinə hesabının 300 milyon manat həcmində qalığı ölkənin kapitallaşma və aktivlərinin məbləği baxımından ən iri beş bankından təklif təqdim edən iki bankda yerləşdirilib.
Vəsait 28 gün müddətinə və 7% orta çəkili faiz dərəcəsi ilə depozitə qoyulub.
Qeyd edək ki, oktyabrın 17-də keçirilən əvvəlki hərracda xəzinə hesabının 600 milyon manatlıq qalığı kapitallaşma və aktivlərinə görə ən iri beş bankdan təklif təqdim edən üç bankda, eyni şərtlərlə — 28 gün müddətinə və 7% orta çəkili faizlə depozitə yerləşdirilmişdi.
