Bu ilin ilk yarısında Milli Depozit Mərkəzi (MDM) manatla buraxılmış qiymətli kağızlar üzrə ümumilikdə 2 milyard 229,7 milyon manat ödəniş edib.
BBN.az MDM-ə istinadən xəbər verir ki, yarımillik ödənişlərin strukturu belə olub:
-
Dövlət istiqrazları – 1 milyard 635,08 milyon manat (73,3%), bunun 261,41 milyon manatı kupon ödənişləri təşkil edib.
-
Azərbaycan Mərkəzi Bankının notları – 270,2 milyon manat (12,1%).
-
Korporativ istiqrazlar – 124,42 milyon manat (5,6%), bunun 14,42 milyon manatı kupon ödənişləridir.
-
Səhmlər (dividend formasında) – 200 milyon manat (9%).
Eyni dövrdə xarici valyuta ilə buraxılmış qiymətli kağızlar üzrə 49,34 milyon ABŞ dolları ödəniş həyata keçirilib:
-
Dövlət istiqrazları – 20,3 milyon ABŞ dolları (41,1%), bunun 0,3 milyon ABŞ dolları kupon ödənişidir.
-
Korporativ istiqrazlar – 29,04 milyon ABŞ dolları (58,9%), bunun 19,04 milyon ABŞ dolları kupon ödənişidir.
MDM-in məlumatına görə, bu göstəricilər 2025-ci ilin ilk yarısında həm dövlət, həm də korporativ borc alətlərinin investorlar qarşısında öhdəliklərinin vaxtında icra edildiyini göstərir.
