Qlobal iqtisadi bərabərsizlik nəzarətdən çıxır

Dünyada insanlar arasında iqtisadi təbəqələşmə kritik həddədir. Bu barədə, Davosda keçirilən Dünya İqtisadi Forumunda “Oxfam” xeyriyyə qurumu tərəfindən təqdim edilən “Time to Care” hesabatında qeyd edilib.

Nayrobi mərkəzli xeyriyyə qurumu tərəfindən hazırlanan hesabata istinadən, 2019-cu ildə dünyanın ən zəngin 2153 adamı 4.6 milyard nəfərlik əhalinin ümumi sərvətindən çoxdur. Ümumi sərvətinin həcminə görə sıralamada ilk 1%-liyə daxil olan şəxslərin sərvətləri cəmi isə 6.9 milyard nəfərin ümumi sahib olduqları sərvətdən iki dəfə artıqdır. “Oxfam” hesablamaları nəticəsində ortaya çıxan daha bir maraqlı fakt isə odur ki, sözügedən 1%-lik qismə 0.5%-lik əlavə vergi tətbiq edildiyi təqdirdə, təhsil, səhiyyə və bir sıra digər sektorlarda ümumilikdə 117 milyon yeni iş yeri yaradıla bilər.

Bütövlükdə hesabatı aşağıda qeyd olunan linkdən əldə edə bilərsiniz.

Oxfam

© Materiallardan istifadə edərkən hiperlinklə istinad olunmalıdır