Rusiya və Ukrayna arasında davam edən gərginliklərin fonunda sözügedən ölkələrin iqtisadiyyatları da mənfi təsirlərə məruz qalır. Xüsusilə də, sanksiyaların tətbiq edildiyi Rusiya Federasiyasının stabilləşdirilməsi üçün bir sıra addımlar atılsa da, xarici təzyiqlər də davam edir.
Beynəlxalq arenada bir sıra nəhəng maliyyə investisiya qurumları da Rusiya mərkəzli aktivləri dondurmağa başlayıb. Fransanın “Amundi” və “BNP Paribas”, Böyük Britaniyanın “HSBC”, İsveçrənin “Pictet” investisiya bankı ümumilikdə Rusiya mərkəzli fondların 3 milyard dollardan artıq aktivlərini dondurublar.
Sanksiyalar səbəbilə Rusiya mərkəzli əməliyyatlarında dəyişikliyə gedən qurumlar arasında “JPMorgan”, “Liontrust”, “Swedbank”, “Handelsbanken”, “East Capital” və “Nordea” da yer alıb.
Digər tərəfdən isə, Moskva birjası (MOEX) bugün səhm tranzaksiyaları məhdudlaşdırıb. Rusiyanın ən böyük bankı “Sberbank” isə Avropa bazarından çəkildiyini açıqlayıb.
Reuters