Spotify ABŞ-da premium qiymətini qaldırdı

Rəqəmsal musiqi platforması Spotify, ABŞ-dakı müştəriləri üçün abunə qiymətlərini artırdığını açıqladı. Fərdi plan 10,99 dollardan 11,99 dollara, ikili plan 14,99 dollardan 16,99 dollara, ailə planı isə 16,99 dollardan 19,99 dollara yüksəldi. Azərbaycan qiymətlərində hələlik heç bir dəyişiklik müşahidə edilməyib.

BBN.az xəbər verir ki,qiymət artımları Spotify-ın bu yaxınlarda gəlirində 20 faiz artım, premium abunəçilərin sayında 14 faiz artım və rekord rüblük mənfəət bildirməsindən sonra baş verdi.”Biz Premium Individual-ın qiymətini artırırıq ki, məhsul təkliflərimizə və xüsusiyyətlərimizə sərmayə qoymağa və yeniliklərə davam edə bilək”, – şirkətin açıqlamasında bildirilib.

Qiymət artımı bu ay üçün yeni abunəçilərə şamil olunacaq,gələn aydan mövcud abunəçilər yeni tariflə ödəniş edəcəklər.