“Çağrı mərkəzləri üçün Genesys həlləri – müştəri xidmətində mükəmməllik” mövzusunda görüş keçirilmişdir

2

16-17 iyun 2022-ci il tarixlərində, baş tutmuş FİNTEX SAMMİT 2022 (MALİYYƏ VƏ TEXNOLOGİYALAR EXPO): “Bank və maliyyə ekosistemində yeni trendlər: innovativ həllər, fintex və təhlükəsizlik” çərçivəsində həyata keçirilən yan tədbirlərdən növbətisi baş tutub.

Belə ki, 17 iyun 2022-ci il tarixində müştəri xidmətləri və çağrı mərkəzi texnologiyaları üzrə ixtisaslaşmış Genesys şirkəti ilə birgə təşkil edilən “Çağrı mərkəzləri üçün Genesys həlləri – müştəri xidmətində mükəmməllik” mövzusunda biznes səhər yeməyi şəklində görüş keçirilmişdir.

Görüş zamanı 17 ölkədə yüzlərlə şirkətə biznes ehtiyaclarına uyğun ən optimal çağrı mərkəzi və bək ofis həllərini formalaşdırmağa dəstək vermiş və müştəri xidmətləri üzrə 8 illik peşəkar fəaliyyətlə məşğul olmuş, Genesys şirkətinin həllər üzrə baş məsləhətçisi Alexander Kamitov  qeyd edilən mövzuda təqdimatla çıxış edib.

Sonda mövzu üzrə müzakirələr aparılmış və iştirakçıların sualları cavablandırılmışdır.