“X” sosial şəbəkəsi “YouTube”un analoqunu yaradır

Milyarder Elon Musk’a məxsus “X” sosial şəbəkəsi “YouTube” ilə rəqabət aparmaq üçün Amazon və Samsung Smart TV-lər üçün proqram təqdim edəcək.

BBN.az bu barədə “Fortune” jurnalı mənbəyə istinadən xəbər verir.

Qeyd olunub ki, təqdimat gələn həftəyə planlaşdırılıb, yeni platformanın interfeysi televizorlara quraşdırılmış YouTube tətbiqi ilə eyni olacaq.

Mənbə bildirib ki, Mask “YouTube” ilə rəqabət aparmaqda qərarlıdır.

Beləliklə, amerikalı milyarder “X” istifadəçilərini “böyük ekranda uzun videolara” baxmağa inandırmaq və reklam verənləri sosial şəbəkəyə cəlb etmək istəyir.