Milli Məclisin plenar iclasında Vergi Məcəlləsinə təklif olunan dəyişikliklər müzakirə olunub. Deputat Vüqar Bayramov minimum əmək haqqının gəlir vergisindən azad edilməsi təşəbbüsü ilə çıxış edib.
O bildirib ki, bir çox ölkələrdə minimum əmək haqqı gəlir vergisindən azad edilir və Azərbaycanda da oxşar praktikanın tətbiqi məqsədəuyğundur. Deputat vurğulayıb ki, həm dövlət, həm də özəl sektorda minimum əmək haqqı alan vətəndaşların maaşlarının vergidən azad olunması sosial təminat baxımından vacibdir.
Bayramov təklif edir ki, vergidən azad olunan məbləğ 400 manat müəyyənləşdirilsin. Bu halda 2,500 manatadək maaş alanların gəlirlərində artım müşahidə oluna bilər. Deputat həmçinin dövlət sektorunda gəlir vergisi intervallarının iqtisadi inkişaf nəzərə alınaraq 2,500 manatdan 4,000 manata qədər artırılmasının məqsədəuyğun olduğunu bildirib.
