0 
Bu ilin yanvar-iyun aylarında Azərbaycanda nağd xarici valyutanın alışı satışını 482 milyon ABŞ dolları üstələyib.
Bu barədə Azərbaycan Mərkəzi Bankı (AMB) məlumat yayıb.
Məlumata görə, valyuta bazarında təklifin tələbi üstələməsi həm nağd, həm də qeyri-nağd seqmentlərdə müşahidə olunub.
Bununla yanaşı, rezident fiziki şəxslərin əmanətlərinin dollarlaşma səviyyəsi son 12 ay ərzində 3,8 faiz bəndi azalaraq may ayında 25,6%-ə enib.
Valyuta bazarında tələbin kəskin azalması və təklifin əhəmiyyətli dərəcədə artması şəraitində Mərkəzi Bank alışyönlü müdaxilələr həyata keçirib.
Nəticədə, cari ilin ötən dövründə AMB-nin valyuta ehtiyatları 2,2 milyard ABŞ dolları və ya 19,5% artaraq 13,8 milyard ABŞ dollarına çatıb.
