ABŞ Ədliyyə Departamenti BlackSuit və Royal zərərli proqramlarının arxasında dayanan Rusiya mənşəli haker qrupunun serverlərini ələ keçirdiyini və təxminən 1 milyon dollarlıq Bitcoin müsadirə etdiyini açıqlayıb.
BBN.az xəbər verir ki, departamentin yaydığı press-relizə əsasən, ABŞ, Kanada, Almaniya, İrlandiya, Fransa, Böyük Britaniya və digər ölkələrin hüquq-mühafizə orqanlarının daxil olduğu beynəlxalq koalisiya 24 iyul tarixində 4 server və 9 domeni nəzarətə götürüb.
Əməliyyat zamanı həmçinin təxminən 1 milyon dollarlıq kriptovalyuta da müsadirə edilib.
Məlumata görə, BlackSuit və Royal eyni Rusiya kibercinayətkar qrupunun hazırladığı və həm ABŞ-da, həm də digər ölkələrdə kritik infrastruktur obyektlərini hədəf alan iki ayrı zərərli proqramdır.
