Avropa İttifaqı (Aİ) aparılan kritik danışıqların ilk raundunda polad və digər məhsullar üzrə tariflərin azaldılmasına dair bir anlaşmanın əldə olunmasının gözlənilmədiyini bildirib.
BBN.az xəbər verir ki, Aİ-nin Ticarət və İqtisadi Təhlükəsizlik Komissarı Maroş Şefçoviç danışıqlardan əvvəl jurnalistlərə açıqlamasında belə deyib: “İlk görüşmədə əsas gündəm iki tərəf arasındakı mövcud vəziyyətin nəzərdən keçirilməsi olacaq.”
ABŞ Ticarət naziri Hauard Lutnik və ABŞ-ın Ticarət Nümayəndəsi Ceymison Qrir iyul ayında Aİ–ABŞ ticarət sazişindən sonra ilk dəfə Brüsseldə olacaqlar.
Saziş çərçivəsində bir çox Aİ mallarına ABŞ tərəfindən 15 faiz tarif tətbiq edilmişdi. Bunun müqabilində Aİ, bəzi kənd təsərrüfatı və qida məhsullarının yanaşı, ABŞ-ın sənaye məhsullarına qoyulan tarifləri aradan qaldıracağına dair vəd vermişdi. Hər iki tərəf həmçinin Aİ poladı və alüminiumu da daxil olmaqla digər tariflərin azaldılması istiqamətində işi davam etdirmək öhdəliyi götürmüşdü.
Aİ rəsmilərinin Lutnik və Qrirə Vaşinqtonun alüminium və polada tətbiq etdiyi 50 faizlik tarif genişləndirməsi qərarına dair təzyiq göstərməsi gözlənilir.
