Təkcə 2021-ci ildə Afrika regionunda fintech (maliyyə texnologiyalarının, fintex) həcmi 1.3 milyard dollara yüksəlib, lakin sektorun özü çətinliklərdən kənarda deyil.
BBN.az fintechtimes-a istinadən xəbər verir ki, McKinsey & Company-nin məlumatına, əsasən gözlənilir ki, Afrikanın yerli e-ödənişlər bazarının gəlirləri il ərzində təxminən 20% artacaq. 2025-ci ilə qədər isə bazarın 40 milyard dollara çatacağı gözlənilir.
Afrikanın çox sürətlə böyüyən start-up sənayesi çoxsaylı trendlərin yaranmasına təkan verib. Smartfon sahiblərinin sayının artması, internet xərclərinin azalması, şəbəkə əhatəsinin genişlənməsi, cavan və sürətlə inkişaf edən əhali Afrikanın fintex sektorunun yüksəlməsinə səbəb olur.