Azərikard-dan vacib məlumat

15 oktyabr 2024-cü il tarixində illik plan üzrə Azərikard Prosessinq mərkəzində yeniləmələr aparılacaqdır; bəzi sosial şəbəkə və internet xəbər mənbələrində “Azərikard” Prosessinq Mərkəzində əməliyyatların keçirilməsində çətinliklərin yaranacağı ilə əlaqədar yayılan xəbərlər həqiqəti əks etdirmir.

Məlumat üçün bildirmək istərdik ki, il ərzində proseslərin təkmilləşdirilməsi məqsədilə planlı işlərin keçirilməsi nəzərdə tutulur. Təkmilləşmə aparılan zaman bu və yaxud digər servislər gözləmə rejiminə alına bilər, o cümlədən 3DS, SMS, Kartdan köçürmələr. Əsas kanallar üzrə (POS, ATM) hər hansı gözləmə rejimi nəzərdə tutulmayıb.

Ən son yeniliklər və doğru xəbərlərlə bağlı operativ şəkildə məlumat almaq üçün rəsmi veb-saytımızı və sosial şəbəkələrdəki səhifələrimizi izləməyi tövsiyyə edirik.