0 
Bu ilin I rübünün yekununda Azərbaycanda kirayə mənzillərin qiymətləri artım nümayiş etdirib.
Bu barədə Azərbaycan Mərkəzi Bankının (AMB) rüblük “Pul Siyasəti İcmalı”nda bildirilir.
Məlumata görə, kirayə qiymətləri ötən ilin eyni dövrü ilə müqayisədə 7,3 %, fevral ayının sonu ilə müqayisədə isə 0,3 % yüksəlib.
Hesabatda qeyd olunub ki, mənzil bazarında da qiymət artımı davam edib. Belə ki, ilkin mənzil bazarında qiymətlər illik müqayisədə orta hesabla 13,1 %, təkrar mənzil bazarında isə 8,1 % artıb.
Ümumilikdə isə hesabat dövründə daşınmaz əmlak bazarında qiymət artımı 8,1 % təşkil edib.
