Bu ilin yanvar-mart aylarında yerli banklar Azərbaycan Mərkəzi Bankının (AMB) həm sterilizasiya yönümlü, həm də likvidliyin verilməsi yönümlü daimi imkan alətlərindən istifadə edib.
Bu barədə AMB-nin rüblük “Pul Siyasəti İcmalı”nda bildirilir.
Məlumata görə, hesabat dövründə banklar iş günlərinin 100 %-də 1 gecəlik depozit daimi imkan alətinə müraciət edib. Eyni zamanda, iş günlərinin 8 %-də isə 1 gecəlik əks-repo alətindən istifadə olunub.
AMB qeyd edib ki, daimi imkan alətlərinə tələb bank sektorunun likvidlik mövqeyində baş verən dəyişikliklərdən təsirlənib.
Belə ki, üç ay ərzində orta məbləği 263 milyon manat olan 53 gecəlik depozit əməliyyatı, həmçinin orta məbləği 275 milyon manat təşkil edən 4 gecəlik əks-repo əməliyyatı həyata keçirilib.
