“Azerbaijani Banks Cyber Security Review” vebinarı keçirilmişdir

Bildiyiniz kimi, Azərbaycan Banklar Assosiasiyası (ABA) 28-29 yanvar 2021-ci il tarixlərində FİNTEX SAMMİT ONLAYN (MALİYYƏ VƏ TEXNOLOGİYALAR SƏRGİSİ) adlı tədbiri təşkil edir.

27 yanvar 2021-ci il tarixində keçirilən “Azerbaijani Banks Cyber Security Review” vebinarı da Sammit çərçivəsində keçirilən bir neçə əlavə tədbirlərdən biri olmuşdur.

Vebinar Deloitte şirkətinin təşkilatçılığı ilə həyata keçirilmişdir. Deloitte Baku Cyber komandasının hazırladığı icmalda baxış hədəfləri olaraq Azərbaycandakı 26 bank seçilmiş, icmal çərçivəsində bankların İnternetdəki hər kəs üçün açıq olan veb mənbələri araşdırılmışdır. Azərbaycan Banklarının Kiber Təhlükəsizliyi hesabatını onlayn əldə edə bilərsiz.

Vebinarda Vladimir Remyga, zəif təhlükəsizlik parametrlərindən və kiber təhlükəsizlik məsələlərində istifadəçinin məlumatlı olmaması səbəbindən veb serverlərdə həssas şifrələmə protokollarının istifadəsindən başlayaraq müxtəlif tapıntılardan bəhs etmişdir, həmçinin müəyyən edilmiş məsələlər və onları həll etməyin mümkün yolları barədə müzakirələr aparılmışdır.