“Çinlə “Rəqəmsal İpək Yolu”nun qurulmasında Türkiyə strateji əhəmiyyət daşıyacaq”

Çinin İpək Yolunu canlandıraraq Pekindən Londona fasiləsiz ticarət marşrutu planını ehtiva edən Kəmər Yolu Layihəsində Türkiyənin strateji əhəmiyyət daşıdığını izah edən Türkiyə-Çin Biznesin İnkişafı və Dəstək Dərnəyinin prezidenti İhsan Beşer deyib: “Layihəyə Bakı-Tbilisi-Qars xətti, Marmaranın əlavə edilməsi ilə dəniz yolu vasitəsindən istifadə ediləcək. Çinə təxminən 45-60 gün ərzində reallaşdırılan ixrac artıq cəmi 15 gün çəkəcək”.

BBN.az Bloomberg Türkiyə nəşrinə istinadən xəbər verir ki, onun sözlərinə əsasən çinlilərin yüksək keyfiyyət standartlarına malik türk mallarına xüsusi marağı var: “Rəqəmsal İpək Yolu sayəsində isə Türkiyə olaraq ilk hədəfimiz bölgəyə ixracımızı 6 milyard dollar səviyyəsinə çatdırmaqdır. Çinli istehlakçılar Türkiyənin tekstil, ayaqqabı, kosmetika və ev aksesuarlarına böyük maraq göstərir. İlk hədəfimiz Çindən idxal etdiyimiz məhsulların yaratdığı 30 milyard dollarlıq cari defisiti bağlamaqdır”, – deyə o, sözlərinə əlavə edib.

Qeyd edək ki, Türkiyə Avropadan Çinə uzanan yeni ticarət yolu olan “Kəmər-Yol Layihəsi”ndə strateji bir nöqtədə yerləşir. 1,4 trilyon dollarlıq bazar həcminə malik Çinin e-ticarətindən öz payını almaq niyyətindədir.