Əsas kapitala yönəldilmiş investisiya 15,5 % artıb

2024-cü ilin yanvar-fevral aylarında əsas kapitala 2638,1 milyon manat məbləğində, yaxud əvvəlki ilin müvafiq dövrü ilə müqayisədə 15,5 % çox investisiya yönəldilmişdir.

BBN.az-a Dövlət Statistika Komitəsindən verilən məlumata əsasən, neft-qaz sektoruna yatırılmış investisiyaların həcmi 12,5 %, qeyri neft-qaz sektoruna yönəldilən investisiyaların həcmi isə 17,1% artmışdır. İstifadə olunmuş investisiyanın 1439,7 milyon manatı və ya 54,6%-i məhsul istehsalı sahələrinə, 1064,7 milyon manatı (40,3%-i) xidmət sahələrinə, 133,7 milyon manatı (5,1%-i) isə yaşayış evlərinin tikintisinə sərf olunmuşdur. Əsas kapitala yönəldilmiş investisiyaların 2121,3 milyon manatını və ya 80,4%-ini daxili investisiyalar təşkil etmişdir. Əsas kapitala yönəldilmiş investisiyaların 1921,3 milyon manatı və ya 72,8%-i bilavasitə tikinti-quraşdırma işlərinin yerinə yetirilməsinə sərf olunmuşdur.