Azərbaycanda lizinq fəaliyyəti göstərən “Partner Finance” QSC “Bakı Fond Birjası”nda (BFB) 1 milyon manat həcmində istiqraz emissiyasına hazırlaşır.
Yerləşdirilməsi planlaşdırılan istiqrazların hər birinin nominal dəyəri 1 000 manat olmaqla, ümumilikdə 1 000 ədəd faizli, adlı, təminatsız və sənədsiz qiymətli kağız emissiya ediləcək.
İstiqrazlar qapalı yerləşdirmə üsulu ilə satılacaq, tədavül müddəti 24 ay, illik gəlirlilik faizi isə 12 % təşkil edəcək. Emissiyanın anderrayteri “Capital Partners İnvestisiya Şirkəti” QSC-dir.
Qeyd edək ki, “Partner Finance” QSC 2020-ci ildə yaradılıb və nizamnamə kapitalı 152 min manatdır. Şirkətin səhmdarları Anar Nuriyev, Şamama Qurbanova və Nərmin İsmayılzadə (hər biri 32,89 % pay), həmçinin 1,33 % payla Nübuvvət Rzayevdir.
