Milyarder investor və Bridgewater Associates fondunun qurucusu Ray Dalio qızılın sürətlə bahalaşmasının maliyyə bazarları və qlobal iqtisadiyyat üçün ciddi siqnal olduğunu bildirib.
BBN.az xəbər verir ki, Dalio 2025-ci il ərzində dəfələrlə ehtiyatlı mövqe nümayiş etdirərək qlobal borc böhranı və fiat valyutaların dəyərdən düşməsi risklərinə diqqət çəkib. O, yeni ilə daxil olarkən də ABŞ iqtisadiyyatı ilə bağlı narahatlığını qoruduğunu qeyd edib.
Ray Dalio bildirib ki, ötən il qızılın qiymətində qeydə alınan kəskin artım — 1979-cu ildən bəri ən böyük illik yüksəliş — investorlar üçün xəbərdarlıq xarakteri daşıyır. Onun sözlərinə görə, bu tendensiya xüsusilə fiat pulların dəyərinin azalması ilə əlaqəlidir.
Dalio qızıl bazarındakı yüksəlişi mərkəzi bankların aktiv alışları, geosiyasi risklərin artması və qlobal maliyyə sisteminə inamın zəifləməsi ilə əlaqələndirib.
