2 
“APA-Economics”in məlumatına görə, Türkiyə Statistika Təşkilatının (TÜİK) açıqladığı rəqəmlərə əsasən, cari ilin avqust ayında illik inflyasiya 32,95% təşkil edib. İyul ayında bu göstərici 33,52% idi. Avqustda istehlak qiymətləri əvvəlki aya nisbətən 2,04% artıb.
Son bir ildə ərzaq və alkoqolsuz içkilər üzrə qiymətlər 33,28%, nəqliyyatda 24,86%, mənzillərdə isə 53,27% bahalaşıb.
Qeyd edək ki, Türkiyədə inflyasiya 2022-ci ilin oktyabrında son 24 ilin ən yüksək həddi olan 85,5%-ə çatmışdı. Ötən ilin may ayında isə inflyasiyanın illik səviyyəsi 75,45% ilə pik həddə qalxmışdı.
