“Ziraat Bank Azərbaycan” ASC ABŞ-də Azəbaycanın ilk bankçılıq missiyasında iştirak etdi – Foto

13

Azərbaycanın Bankçılıq Missiyası çərçivəsində ABŞ-yə ilk işgüzar səfər təşkil olunub.

“Ziraat Bank Azərbaycan” ASC-nin İdarə Heyəti sədri Dr.Selçuk Demir də işgüzar səfərdə iştirak edib. Səfər çərçivəsində bir çox maliyyə qurumları ilə təcrübə mübadiləsi məqsədli görüşlər keçirilib və əməkdaşlıq imkanları müzakirə olunub.

Həmçinin ticarətin maliyyələşdirilməsi alətlərinin genişləndirilməsi, maliyyə risklərin dəyərləndirilməsi və idarə olunması, kibertəhlükəsizlik tədbirlərinin möhkəmləndirilməsi, yeni inkişaf trendləri və maliyyə sektorunun digər aktual mövzuları müzakirə edilib.

Qeyd edək ki, səfər Azərbaycan Mərkəzi Bankının sədri Taleh Kazımovun rəhbərliyi, Azərbaycan Banklar Assosiasiyası və ABŞ-Azərbaycan Ticarət Palatasının təşkilatçılığı ilə baş tutub.