Meta Instagram və WhatsApp satmalı ola bilər

0

Sosial media nəhəngi Facebook ABŞ-da yerləşən ciddi hüquqi mübarizənin mərkəzində qalmaqda davam edir.

Facebook, 2020-ci ilin dekabrında ABŞ Federal Ticarət Komissiyası (FTC) tərəfindən məhkəməyə verildi. Bu işin mərkəzində şirkətin rəqabətə zidd davranışları və sosial media sahəsində monopoliya yaratması dayanırdı.

BNN.az xəbər verir ki, FTC, Meta-nı “Instagram” və “WhatsApp”ı əldə etməklə, sosial şəbəkə bazarında hökmranlıq etməkdə ittiham edir. Agentlik bu iki xidmətin “Meta” korporasiyasından ayrılmasını israr edir.

2020-ci oldə Facebook-un qanuni qərarla həm WhatsApp, həm də Instagram platformalarını satmağa məcbur edilə biləcəyi bildirilmişdi, lakin məhkəmə bu məsələ ilə bağlı qərar qəbul etməmişdi. Çünki məhkəmə kifayət qədər sübut olmadığı üçün Facebook-un “qanunsuz monopoliya qurması” iddiasını qəbul etməmişdi.

FTC Facebook-a qarşı antiinhisar addımını yeniləyərək, yenidən şirkətdən Instagram və WhatsApp-ı satmasını tələb edir. Hələlik bu məsələlərlə bağlı qəti qərar yoxdur.

Facebook “qanunsuz monopoliya qurmaq” iddiasını açıq şəkildə rədd edir və  proseslə bağlı hüquqi mübarizəni davam etdirəcəklərini bildirir.