Çinin ABŞ-da həyata keçirdiyi investisiyalar kəskin azalıb

Çin Xalq Respublikasının 2019-cu il üzrə ABŞ iqtisadiyyatında birbaşa investisiyaları koronavirus pandemiyası və bir sıra konfliktlər səbəbindən son on ilin ən aşağı səviyyəsinə geriləyib. 2009-cu ildən bu yana qeydə alınan ən aşağı göstərici olmaqla, birbaşa investisiyaların həcmi 5 milyard dollar civarında qərarlaşıb.

Bu barədə, ABŞ-ın araşdırma şirkəti “Rhodium Group” hesabatında qeyd edib. Hesabata görə, ötən il birbaşa investisiyalar 2018-ci ilə nəzərən 7.4% azalıb. Qeyd edək ki, bu göstərici 2016-cı ildə 45 milyard dollar ilə rekord səviyyədə qərarlaşmışdı.

Digər tərəfdən isə, ABŞ tərəfindən Çin Xalq Respublikasına həyata keçirilən birbaşa investisiyalar 2018-ci ilə nəzərən 7.7% artaraq 14 milyard dollara çatıb.