“Fitch” iqtisadi artım proqnozlarını azaldıb

ABŞ mərkəzli qlobal reytinq agentliyi “Fitch Ratings” yeni açıqladığı hesabatda bir çox dünya ölkələrinin ÜDM artımı proqnozlarını azaldıb. “Fitch” iqtisadi artım proqnozlarını “Delta” ştammının get-gedə daha böyük radiusda yayılması ilə əlaqədar olaraq iqtisadi baxımdan bir sıra qabaqcıl ölkələrin göstəricilərində tənzimləyib.

Dünyanın iqtisadi baxımda lider ölkələrindən olan Amerika Birləşmiş Ştatlarının iqtisadi artım proqnozu iyun ayında açıqlanan hesabatda (GEO) göstərilən 6.8% səviyyəsindən 6.2% səviyyəsinə endirilib. Dİgər nəhəng dövlət olan Çinin isə iqtisadi artım proqnozu 8.4%-dən 8.1%-ə geriləyib. Çin istisna olmaqla, İEOÖ-lərdə iqtisadi artımın 5.8% səviyyəsində qərarlaşacağı proqnozlaşdırılıb. Avstraliyanın iqtisadi artım proqnozu isə 5.8%-dən 3.7%-ə enərək dünya üzrə rekord geriləməni yaşayıb.

Digər tərəfdən, Polşa, Türkiyə, CAR, Meksika və Rusiya Federasiyası üçün ÜDM artımı proqnozları yüksəldilib. Bununla yanaşı, Avrozona ölkələrində də 2021-ci il üçün sözügedən göstərici 0.2% artıb və 5.2% səviyyəsində qərarlaşıb.