0 
Bu ilin iyun ayında Azərbaycanda yaşa görə aylıq sosial müavinət alanların sayı 176 min 399 nəfər təşkil edib.
BBN.az xəbər verir ki, bu barədə Azərbaycan Respublikasının Əmək və Əhalinin Sosial Müdafiəsi Nazirliyinin tabeliyində fəaliyyət göstərən Dövlət Sosial Müdafiə Fondu məlumat yayıb.
Məlumata görə, yaşa görə aylıq sosial müavinət alanların 38,9 %-ni kişilər, 61,1 %-ni isə qadınlar təşkil edib.
Qeyd edək ki, yaşa görə aylıq sosial müavinət pensiya hüququ əldə etməyən və qanunvericiliklə müəyyən edilmiş yaş həddinə çatmış şəxslərə dövlət tərəfindən ödənilən sosial təminat növlərindən biridir.
